مایاوتی نے بی ایس پی میں کی بڑی تبدیلی

اترپردیش اسمبلی انتخابات میں توہین آمیز شکست کے بعد بہوجن سماج پارٹی (بی ایس پی) کی صدر مایاوتی نے پارٹی کو دوبارہ منظم کرنے کے لئے بڑی تبدیلی کی ہے۔پارٹی نے تمام بلدیاتی اداروں کے انتخابات لڑنے کی منشا چھوڑ دی تھی ،لیکن اب ارادہ بدلتے ہوئے اتر پردیش میں بلدیاتی اداروں کے انتخابات لڑنے کے فیصلے کے ساتھ 2019 کے لوک سبھا



انتخابات میں سیکولر پارٹیوں کے ساتھ اتحاد کرنے کی تجویز پر نظر ثانی کرنے کا فیصلہ کیا ہے۔محترمہ مایاوتی نے 14 اپریل کو اعلان کیا تھا کہ وہ بھارتیہ جنتا پارٹی (بی جے پی) کے خلاف 2019 کے لوک سبھا انتخابات کے لئے عظیم اتحادمیں شامل ہوسکتی ہیں، لیکن اب انہوں نے اپنےاعلان سے پیچھے ہٹتے ہوئے دعوی کیا ہے کہ پارٹی کو اتحاد سے ہمیشہ نقصان ہوا ہے۔